مظفرگڑھ،تعلیمی بورڈ نے جماعت نہم کے داخلہ کا شیڈول جاری کردیا ہے،سیکرٹری بورڈ

مظفرگڑھ(مظفرگڑھ ڈاٹ سٹی ۔ 18 اگست2021ء) ثانوی و اعلی ثانوی تعلیمی بورڈ ڈیرہ غازی خان نے جماعت نہم کے داخلہ کا شیڈول جاری کردیا ہے۔سیکرٹری بورڈ محمد بلال شاہین نے بتایا کہ تعلیمی سیشن 23-2021 کے تحت آن لائن رجسٹریشن ریٹرن داخلہ 15 ستمبر تک کرائی جاسکتی ہے۔

انہوں نے بتایا کہ500 لیٹ فیس کے ساتھ اداروں میں داخلہ،آن لائن ڈیٹا انٹری،بنک میں فیس جمع کرانے،آن لائن کمپیوٹرائزڈ اصل بنک چالاناور رجسٹریشن کی ہارڈ کاپی فارورڈنگ لیٹر کے ساتھ بورڈ میں 16 ستمبر سے 30 ستمبر تک کرائی جاسکیں گے۔

سیکرٹری بورڈ محمد بلال شاہین نے بتایا کہ 30 ستمبر کے بعد کسی کا داخلہ قبول نہیں کیا جائیگا۔رجسٹریشن کیلئے ب فارم لازمی قرار دیا گیا ہے۔ تعلیمی سیشن کیلئے طالب علم کی عمر یکم اگست تک کم سے کم 12 سال ہونی چاہئے۔مزید معلومات کیلئے ادارہ سے رجوع کیا جاسکتا ہے۔