مشیر زراعت پنجاب سردار عبدالحئی اور صوبائی اسمبلی کے رکن نیاز خان گشکوری کی وزیراعلی عثمان بزدار سے ملاقات

مظفرگڑھ ۔ (مظفرگڑھ ڈاٹ سٹی۔ 26 اکتوبر2019ء) مشیر زراعت پنجاب سردار عبدالحئی اور صوبائی اسمبلی کے رکن نیاز خان گشکوری کی وزیراعلی عثمان بزدار سے ملاقات۔ مشیر زراعت پنجاب و رکن صوبائی اسمبلی سردار عبدالحئی دستی اورصوبائی اسمبلی کے رکن نیاز خان گشکوری نے وزیراعلی پنجاب سردار عثمان بزادر سے ملاقات کے دوران مظفرگڑھ کو انڈسٹریل سٹیٹ بنانے کیساتھ ساتھ مظفرگڑھ کے پانچ بڑے روڈ اور سیوریج کے پروجیکٹس پر جلدازجلد کام شروع کرنے کی تجاویز پیش کی جس پر وزیراعلی نے جلدازجلد ان تمام پراجیکٹس پر عملدرآمد کرانے کی یقین دہانی کرائی۔اس طرح نیاز خان گشکوری نے حلقہ پی پی 278 کی سکمیوں کے بارے میں تفصیلی بات چیت کی۔ملاقات میں نیاز خان گشکوری نے شوگر ملز کے کرشنگ سیزن اور کاشتکاروں کے مسائل پر بھی خصوصی بات چیت کرتے ہوئے حلقہ میں بیٹ عیسن والا کے مقام پر دریائے سندھ سے ہونے والے نقصانات اور سپر بند کی تعمیر نہ ہونے سے درپیش مسائل پر تفصیلی بات چیت کرتے ہوئے ترجیح بنیادوں پر سپر بند تعمیر کرنے کی سفارش کی جس پر وزیر اعلی نے سپر بند کی منظوری دیتے ہوئے عیسن والا سپر بند ڈاؤن سٹریم کو اے ڈی پی سکیم میں شامل کرلیا گیا۔

موقع پر موجود مشیر زراعت وزیراعلی پنجاب سردار عبدالحئی دستی،پارلیمانی سیکرٹری سردار عون حمید ڈوگر،ایم پی اے عملدار عباس قریشی نے وزیراعلی پنجاب کو مظفرگڑھ دورہ کی دعوت دی جس پر وزیراعلی نے جلد مظفرگڑھ آمد کی یقین دہانی کرائی۔