مستقبل میں بھی ” ہفتہ صحت ” کا انعقاد کیا جائیگا،علی جان خان

مظفر گڑھ۔21 فروری(مظفر گڑھ ڈاٹ سٹی۔ 21 فروری2018ء)صوبائی سیکرٹری برائے پرائمری اینڈ سیکنڈری صحت علی جان خان نے کہا ہے کہ ہفتہ صحت “صحت خدمت صحت عبادت “کی عملی نمونہ ہے مستقبل میں بھی ” ہفتہ صحت ” کا انعقاد کیا جائیگا۔ یہ بات انہوں نے تحصیل ہیڈ کوارٹر ہسپتال علی پور اور جتوئی میں جاری ہفتہ صحت کے کیمپ کا معائنہ کرتے ہوئے کہی، اکٹر شاہد حسین مگسی سی ای اومظفرگڑھ ڈاکٹر اقبال مکول ، ڈاکٹر طارق محمود ڈی ایچ اوز ڈاکٹرفضل حسین ایم ایس علی پور ڈاکٹر سمیع اللہ گٹ ایم ایس جتوئی بھی ان کے ہمراہ تھے، صوبائی سیکرٹری نے بتایا کہ صرف دودنوں میں پنجاب میں ایک لاکھ سے زائد افراد کی سکریننگ پیشہ وارانہ کارکردگی کی بہترین مثال ہے جو کہ قابل تحسین ہے۔انہوں نے مزید کہا کہ حکومت نے عوام کو بہتر طبی سہولیا ت کی فراہمی کیلئے دن رات کوشاں ہے اس سلسلہ میں اربوں روپے کی سکیموں سے ضلعی و تحصیل ہیڈکوارٹر ہسپتال کو جدید مشینری اور طرز تعمیر سے اپ گریڈ کردیا گیا ہے ، صوبائی سیکریٹری نے سکریننگ ڈیسک کا معائنہ کیا اور سیکریننگ کی غرض سے آئے افراد سے تفصیلی بات چیت کی اور لوگوں سے صحت کی سہولیات کے بارے میں دریافت کیالوگوں حکومت کی جانب سے ہفتہ صحت کے انعقاد پر اطمینان کا اظہار کیا۔انہوں نے ڈیوٹی پر موجود ڈاکٹرز اور الا ئیڈ ہیلتھ پروفیشنلز سے آئی ٹی سافٹ وئر کے استعمال اور افادیت کے بارہ میں تبادلہ خیال کیا اس موقع پر ڈاکٹر شاہد حسین مگسی نے سیکریٹری صحت کو بتایا کہ گذشتہ دودنوں میں مظفرگڑھ میں مجموعی طور پر آٹھ ہزار چھ سو آٹھ افراد کی سیکریننگ کا عمل مکمل کیا گیا اس دوران کسی جانب سے کوئی شکایت موصول نہیں ہوئی ہے انہوں نے بتایا کہ کیمپس میں روزانہ کی بنیاد پر مفت ادویات ویکسین دیگر لو جسٹک کی فراہمی یقینی بنا ئی جا رہی ہے اور ساتھ ہی بچوں کو حفاظتی ٹیکہ جات پیٹ کے کیٹروں سے پاک کرنے کی ادویات خوراک کی کمی کی نشاندہی غذائی سپلیمنٹ اور حاملہ خواتین کو فولاد کی گولیاں بھی مفت فراہم کی جا رہی ہیں آخر میں سیکریٹری ہیلتھ نے دونوں ہسپتال میں جاری ترقیاتی کا م کا جائزہ لیا انہوں نے کام کی رفتار اور معیار پر اعتماد کا اظہار کیا اور منصوبہ جات کی بروقت تکمیل یقینی بنانے کی ہدایت کی انہوں نے ہفتہ صحت کے سلسلہ میں بہترین انتظامات پر خوشی کا اظہار کیا اور سیف انور جپہ ڈپٹی کمشنر اور محکمہ صحت افسران اور عملہ کی تعریف کی ۔