مسافروین الٹ گئی ،2افرادجاں بحق،15افرادزخمی

مظفر گڑھ۔ (مظفر گڑھ ڈاٹ سٹی۔ 18 ستمبر2017ء)کوٹ ادو کے علاقے تونسہ موڑ کے پاس مسافر وین الٹ گئی، حادثہ تیز رفتاری اور ٹائر پھٹنے کے باعث پیش آیا، دو افراد موقع پر جاںبحق جبکہ 15 افراد زخمی ہوگئے ،ریسکیو 1122.تفصیل کے مطابق مظفرگڑھ کی تحصیل کوٹ ادو میں تونسہ موڑ کے پاس ایک تیز مسافر وین جو تونسہ شریف سے کوٹ ادو جا رہی تھی ٹائر پھٹنے کی وجہ سے الٹ گئی، حادثہ اس قدر شدید تھا کہ ایک مرد اور عورت موقع پر جاںبحق جبکہ 15 افراد زخمی ہوگئے، جاں بحق ہو نے والوں میں عورت کی شناخت نسیم بی بی کے نام سے ہوئی جبکہ مرد کی شناخت نہ ہو سکی، زخمی ہونے والے افراد میں سے 8 شدید زخمیوں شہناز، خرم شہزاد، غلام یٰسین، محمد قاسم، خادم حسین، فیض محمد، محمد یامین اور فاطمہ کو نشر ہسپتال ملتان ریفر کر دیا گیا اور معمولی زخمیوں جمیلہ، آسیہ، حلیمہ، صغریٰ، سکینہ اور سلمہ وغیرہ کو فرسٹ ایڈ کے لئے تحصیل ہیڈ کوارٹر ہسپتال کوٹ ادو منتقل کر دیا گیا ہے، پولیس نے مقدمہ درج کر کے تفتیش شروع کر دی ہے۔