مزدوروں کی کم ازکم اجرت کی فراہمی یقینی بنانیکیلئے بھٹوں کا معائنہ جاری

مظفرگڑھ۔ (مظفرگڑھ ڈاٹ سٹی ۔ 03 اکتوبر2020ء) : ڈپٹی ڈائریکٹر لیبر ویلفیئر محمد طاہر گورچانی نے کہا ہے کہ سیکرٹری لیبر ویلفیئر پنجاب اور ڈائریکٹر جنرل لیبر ویلفیئر کی ہدایت کہ مطابق ضلع مظفرگڑھ میں بھٹہ جات پر کم سے کم اجرت کے قانون پر عملدرآمدکرنے کیلئے بھٹہ جات کو چیک کرنے کا سلسلہ جاری ہے تاکہ حکومت پنجاب کی طرف سے مقرر کردہ تنخواہوں کے مطابق بھٹہ مزدوروں کو اجرت کی فراہمی کو یقینی بنایا جاسکے۔

انہوں نے کہا کہ بھٹہ پر کام کرنے والی خواتین ورکرز کیلئے علیحدہ واش رومز کیلئے بھی بھٹہ مالکان کا پابند بنایا جارہا ہے۔ انہوں نے کہا کہ اس سلسلے میں لیبر آفیسر محمد عمیر اسماعیل اور لیبر آفیسر شاہد حسین نے سربراہی میں 2ٹیمیں ضلع بھر میں مختلف بھٹہ جات کا معائنہ کررہی ہیں، جبکہ وہ خود بھی تمام تر کاروائیوں کو مانیٹر کررہے ہیں۔ انہوں نے کہا کہ یہ سلسلہ مسلسل جاری رہے گا۔