مختاراں مائی سے پولیس سکیورٹی واپس لے لی گئی

مظفرگڑھ(مظفر گڑھ ڈاٹ سٹی۔5جولائی 2014ء) مظفرگڑھ میں مختاراں مائی ویلفیئر آرگنائزیشن کی چیئرپرسن مختاراں مائی سے پولیس سکیورٹی واپس لے لی گئی۔ مختاراں مائی کا کہنا ہے کہ ان کی جان کو خطرہ ہے‘ مخالفین انہیں مارنا چاہتے ہیں۔ پولیس افسران رابطہ کرنے پر فون نہیں اٹھارہے۔مختاراں مائی نے نجی ٹی وی سے گفتگو کرتے ہوئے کہا ہے کہ ان کی جان کو خطرہ ہے اور مخالفین انہیں مارنا چاہتے ہیں۔ان کی پہلے ہی سکیورٹی ناکافی تھی اور اب وہ سکیورٹی بھی واپس لے لی گئی ہے لہٰذا ان کی جان کو خطرے کے پیش نظر سکیورٹی واپس کی جائے۔ ڈی پی او رائے ضمیرالحق کا کہنا ہے کہ ہوسکتا ہے کہ محکمانہ تبادلوں کی وجہ سے سکیورٹی وقتی طور پر ہٹائی گئی ہو۔ مختاراں مائی کو نئے گارڈز جلد فراہم کردئیے جائیں گے۔