محکمہ سے ریٹائرہونے والے ملازمین کوباعزت رخصت کرناہماری روایت ہے،سپرنٹنڈنگ انجینئرمیپکو سرکل مظفر گڑھ

مظفر گڑھ (مظفر گڑھ ڈاٹ سٹی۔ 04 فروری2020ء) سپرنٹنڈنگ انجینئرمیپکو سرکل مظفر گڑھ انجینئرمہرنذر محمد ڈب نے کہا ہے کہ مدت ملازمت پوری کرکے محکمہ سے ریٹائرہونے والے ملازمین کوباعزت طریقے سے رخصت کرناہماری روایت ہے۔میپکوایک فیملی کی طرح ہے ریٹائرمنٹ کے بعد بھی ملازمین اس کاحصہ رہیں گے۔میپکوملازمین ادارے کیلئے بڑااثاثہ ہیں اورکسی بھی ادارہ کی ترقی وخوشحالی کا انحصاراس ادارے میں کام کرنے والے محنتی اوردیانتدار ملازمین پر ہوتاہے۔ملازمین کی محنت اورلگن کی وجہ سے ہی ہرادارے کی مجموعی طورپرکارکردگی بہترہوتی ہے اورادارہ ترقی کی راہ پرگامزن ہوتاہے۔یہ باتیں انہوں نے میپکو سرکل مظفر گڑھ میں ریٹائرہونے والے زونل چیئرمین ہائیڈروورکرزیونین میپکوسرکل مظفرگڑھ پیرمہدی شاہ کے اعزاز میں منعقدہ الوداعی تقریب سے خطاب کرتے ہوئے کیں۔انہوں نے کہامہدی شاہ میپکوکے ایک اچھے،ایمانداراورمحنتی ملازم تھے میں انہیں مبارکباددیتاہوں کہ وہ باعزت طریقے سے محکمہ سے رخصت ہورہے ہیں۔
اس موقع پرڈپٹی ڈائریکٹرٹیکنیکل محمدنعیم اخترسامٹیہ، ایکسین میپکو ڈویڑن مظفرگڑھ محمدعمیرقاسم،ایکسین کوٹ ادوفرقان ذکریا،ایکسین علی پوریعقوب گدارا،ایکسین لیہ بلال خان، ڈی سی ایم اظہار علی،ریجنل چیئرمین ہائیڈروورکرزیونین غلام رسول گجر،ہائیڈرویونین کے تمام رہنماونمائندگان،میپکوسرکل مظفرگڑھ کے ایس ڈی اوز اور اے پی آر او بھی موجودتھے ۔