محکمہ اوقاف کے زیر اہتمام ڈپٹی کمشنر آفس مظفرگڑھ میں محفل میلاد کا انعقاد

مظفر گڑھ۔21 نومبر(مظفر گڑھ ڈاٹ سٹی۔ 21 نومبر2017ء)محکمہ اوقاف کے زیر اہتمام ڈپٹی کمشنر آفس مظفرگڑھ میں محفل میلاد کا انعقاد کیا گیا، جس کی صدارت ایڈیشنل ڈپٹی کمشنر جنرل ظہور احمد بھٹہ نے کی منیجر اوقاف رانا طارق بھی ان کے ہمراہ تھے، محفل میلاد میں مطیع الرحمن ، محمد حسن، محمد حسان، محمد ارشد ، محمد ابوزر، محمد نعمان، علی حیدر ، محمدآصف مصطفوی،غلام مصطفی ، محمد عاصم اور محمد مدثر نے حضور اکرم ؐکی خدمت میں گلہائے عقیدت پیش کئے اور سامین کو دلوں میں عشق مصطفیؐسے منور فرمایا، محفل میلاد کی تقریب سے اے ڈی سی جی نے خطاب کرتے ہوئے کہا کہ ربیع الاول کے مہینہ مقدس مہینہ ہے جس میں حضور اکرم ؐ کی ولادت ہوئی ،حضور سے عقیدت بیان کرنے کا حق یہ ہے کہ آپؐکی ذات اقدس پر زیادہ سے زیادہ درودو سلام پڑھا جائے اور اپنی زندگی کو سنت نبوی ؐکے مطابق ڈھال لی جائے جو دنیا و آخرت میں ہماری بخشش و نجات کو ذریعہ بنے گی، محفل میلاد میں حسین احمد مدنی، ہلال جاوید کاظمی، طارق شریف اور غوث بخش فریدی سمیت میلاد کمیٹی کے ممبران اورضلعی محکموں کے افسران نے شرکت کی۔