محرم الحرام کے دوران سکیورٹی ڈیوٹی میں غفلت کسی صورت برداشت نہیں کی جائیگی۔ڈی پی او

مظفر گڑھ۔ (مظفر گڑھ ڈاٹ سٹی۔ 18 ستمبر2017ء) محرم الحرام کے دوران سکیورٹی ڈیوٹی میں غفلت کسی صورت برداشت نہیں کی جائیگی،پولیس آفیسران اپنے اپنے علاقوں میں سکیورٹی کو مزید سخت کردیں،ان خیالات کااظہار ڈی پی اوملک اویس احمد نے گزشتہ روزمحرم الحرام کے حوالے سے پولیس لائن میں ہونے والے پولیس اورسکیورٹی اداروں کے ہونے والے مشترکہ اجلاس سے خطاب کرئے کیا۔اجلاس میں سب ڈویڑنل پولیس آفیسرز، کاؤنٹر ٹیررزم ڈیپارٹمنٹ، پٹرولنگ پولیس، ٹریفک پولیس، سپیشل برانچ اور سول ڈیفنس ڈیپارٹمنٹ کے افسران اور ملازمان کی کثیر تعداد شامل تھی۔ ڈی پی او مظفرگڑھ نے کہا کہ ملازمان اپنے مسائل بتائیں جنکا فوری حل کیا جائیگا مگر دوران ڈیوٹی کسی کی غفلت برداشت نہیں کی جائیگی۔دوران ڈیوٹی ملازمان کیلئے اچھی رہائش اور کھانے کا بندوبست کیا جا رہا ہے اور تمام تر مزید سہولیات بھی دی جا رہی ہیں اور عزاداران کی تھری فولڈ جامہ تلاشی لی جائیگی، انٹری کے راستے بھی محدود رکھے جائینگے اور ان کیلئے فول پروف سیکیورٹی کے انتظامات کیے جا رہے ہیں۔لائسنسداران سے بھی میٹنگز کی گئی ہیں وہ بھی ایس او پی عملدرامد یقینی بنائینگے۔ڈی پی اوکا کہنا تھا کہ ڈیوٹی پر مامور تمام پولیس ملازمان مسلح ہونگے جسکی وٴْہ خود نگرانی کریں گے۔ان کا کہنا تھا کہ مظفرگڑھ پولیس کی بہادری کی کئی مثالیں موجودہیں اور امسال مظفرگڑھ پولیس ایک نئے جذبے سے ملک و قوم کی خدمت و حفاظت کیلئے تیار ہے۔ دوران اجلاس ڈی پی او مظفرگڑھ نے ان بہادر پولیس افسران و ملازمان جنہوں خطرناک ٹاپ ٹین اشتہاریوں انصری جاکھا اور شہزادی سندیلہ کا مقابلہ کرتے ہوئے ان کو کیفر کردار تک پہنچایا تھا ان کو تعریفی اسناد اور نقد انعامات تقسیم کیے۔