لائن سٹاف اپنے خاندان اور اپنے بچوں کے مستقبل کے لئے کسی قسم کا سمجھوتہ نہ کریں، ایس ای میپکو

مظفرگڑہ(مظفرگڑھ ڈاٹ سٹی۔ 14 فروری2023ء) سپرنٹنڈنگ انجینئرمیپکوسرکل مظفرگڑہ انجینئرملک یعقوب احمدگدارانے کہاہے کہ سیفٹی سیمینارزکامقصدلائن سٹاف میں دوران ڈیوٹی سیفٹی کے شعورکواجاگرکرناہے۔ انہوں نے کہازندگی اللہ کی طرف سے عطاکردہ عظیم نعمت ہے اوراس کاکوئی نعم البدل نہیں ہے۔اس نعمت کی حفاظت ہمارافرض ہے۔انہوں نے کہاکہ لائن سٹاف اپنی زندگی،اپنے خاندان اوربچوں کے مستقبل پرکسی قسم کاکوئی سمجھوتہ نہ کریں ہمیشہ سیفٹی اصولوں کومدنظررکھتے ہوئے مکمل حفاظتی اقدامات کے ساتھ اپنے فرائض کوسرانجام دیں۔

ان خیالات کااظہارانہوں نے میپکوسرکل مظفرگڑہ میں منعقدہ سیفٹی سیمینارسے خطاب کرتے ہوئے کیا۔سیفٹی سیمینارسے ایکسین میپکوڈویژن مظفرگڑہ محمدفرقان زکریا نے بھی خطاب کیا اور کہاکہ سیفٹی ہدایات اور قوانین پر عمل کرنے سے ہی حادثات سے بچاجاسکتاہے۔

حادثات ہونے کی اہم ترین وجوہات میں حدسے زیادہ خوداعتمادی،PPEکے استعمال سے گریز،PTWنہ لینااورکام کی جگہ کودنوں اطراف پرعارضی ارتھ نہ کرناشامل ہیں۔