عوام کے مسائل کو ترجیح بنیادوں پر حل کرنے کیلئے ہر ممکن اقدامات کئے جارہے ہیں،ڈپٹی کمشنر ڈاکٹر احتشام انور

مظفرگڑھ ۔ (مظفرگڑھ ڈاٹ سٹی ۔ 02 اگست2019ء) ڈپٹی کمشنر ڈاکٹر احتشام انور نے کہا ہے کہ حکومت کی ہدایت کی مطابق عوام کے انفرادی و اجتماعی مسائل کو ترجیح بنیادوں پر حل کرنے کیلئے ہر ممکن اقدامات کئے جارہے ہیں، شہری کھلی کچہری کا انتظار نہ کیا کریں وہ اپنے مسائل ہفتے کی دیگر ایام میں بھی ان کے دفتر میں پیش کرسکتے ہیں ان پر قانون کے مطابق اور میرٹ پر کاروائی کیا جائے گی یہ بات انہوں نے ہفتہ وار کھلی کچہری کے دوران سائلین کے مسائل سنتے ہوئے کہی،اس موقع پر ایڈیشنل ڈپٹی کمشنر ریونیو عطائ الحق، اسسٹنٹ کمشنر محمد شعیب بھی ان کے ہمراہ تھے، ڈپٹی کمشنر نے کہا کہ شہر کی صفائی اور سیوریج کے نظام کو بحال کرنے پر کام جاری ہے اور اس کے مستقل حل کیلئے چیف آفیسر بلدیہ مظفرگڑھ کو ہدایت کی گئی ہے، ایک سائل کی درخواست پر ڈپٹی کمشنر نے کہا کہ سکولوں کے کھیل کے میدان کسی پرائیویٹ کلب کو نہیں دئیے جاسکتے تاہم سکول انتظامیہ اور سی ای او تعلیم کی مشاورت سے سکیورٹی کو مد نظر رکھتے ہوئے سکول کے بچوں کیلئے کھیل کے میدان شامل کے اوقات میں کھولے جاسکتے ہیں، ایک سائل کی درخواست پر ڈپٹی کمشنر نے کہا کہ عوام کو سفر اور آمدو رفت کی بہتر سے بہتر سہولیات فراہم کرنے کیلئے ضلع کونسل کے بس سٹینڈ کی تعمیرو مرمت کا کام جاری ہے، بس سٹینڈ کے فعال ہونے پر شہر میں قائم تمام غیر قانونی بس سٹینڈ ختم کردئیے جائیں گے، ڈپٹی کمشنر نے کہا کہ فیاض پار ک عوام کی ملکیت ہے مفادعامہ کیلئے فیاض پارک میں قائم سرکاری کوارٹر کو مسمار کیا جائے گا اس میں رہائش پذیر ملازمین کو نوٹس جاری کردئے گئے تھے اس میں مزید 3دن کی توسیعی کی جارہی ہے، ایک سائل کی درخواست پر ڈپٹی کمشنر نے محکمہ صحت کے افسران کو ہدایت کی کہ ضلع بھر میں اتائی ڈاکٹروں کے خلاف کاروائی کی جائے، جن کلینگ کو سیل کیا گیا تھا اگر ان کی سیل غیر قانونی طور پر ختم کی گئی ہے تو اس کی خلاف سخت سے سخت کاروائی کی جائے، انہوں نے اس سلسلے میں مزید کہا کہ یہ شہریوں کی بھی ذمہ دار ہے کہ وہ کسی اتائی ڈاکٹر سے اپنا علاج نہ کرائیں جو ان کی جان کیلئے خطرہ ہیں۔
کھلی کچہر ی میں محکمہ ریونیو سے متعلق درخواستیں دی گئیں جس پر ڈپٹی کمشنر نے اے ڈی سی ریونیو کے ہدایت کی کہ ان پر فوری کاروائی کی جائے۔