عوام کیلئے فری رورل ایمبولینس سروس شروع کی گئی ہے، سرداراقبال پتافی

مظفرگڑھ۔15 نومبر(مظفر گڑھ ڈاٹ سٹی۔ 15 نومبر2017ء)وا ئس چیئرمین ضلع کونسل مظفرگڑھ سردار اقبال پتافی نے کہا ہے کہ حکومت پنجاب صوبہ کے تمام علاقوںکے لوگوں کو صحت کی بہترین سہولیات کی فراہمی کیلئے کوشاں ہے۔انہوں نے کہا کہ صحت اور تعلیم حکومت کی اولین ترجیح ہے،انکا کہنا تھا کہ دیہات کی عوام کیلئے فری رورل ایمبولینس سروس شروع کی گئی ہے۔اداروں کی طرف سے مظفرگڑھ کے ہیلتھ سسٹم پر کی گئی ریسرچ نظام کو بہتر بنانے میں بھر پور مددگار ثابت ہوگی۔یہ بات انہوںنے ضلع کونسل میں شرکت گاہ اور سائیکوپ کی طرف سے مظفرگڑھ کے ہیلتھ سسٹم پر کی گئی سوشل ریسرچ کے نتائج بارے ایک تقریب سے خطاب کرتے ہوئے کہی۔ تقریب سے سی ای او ہیلتھ ڈاکٹر شاہد مگسی و طبی ماہرین نے خطاب کیا،تقریب میں چیئر مین یونین کونسل سید جمیل شاہ، افضل چوہان، ڈسٹرکٹ پاپولیشن ویلفیئر آفیسر فرزانہ کوثر سمیت دیگر افراد نے شرکت کی۔ چیف ایگزیکٹیو آفیسر ہیلتھ ڈاکٹر شاہد مگسی نے کہا کہ بلدیاتی اداروں ، این جی اوزاور میڈیا کو ملکر ہیلتھ سسٹم کی سروس ڈیلیوری کی بہتری کیلئے کردار ادا کرنا ہوگا۔