ضلع مظفرگڑھ کے گنے کے کاشتکار وں کو ان کو جائز حق دلوانا ہماری اولین ترجیح ہے،صوبائی مشیر زراعت سردار عبدالحئی دستی

مظفرگڑھ۔ (مظفر گڑھ ڈاٹ سٹی۔ 14 جنوری2019ء) صوبائی مشیر زراعت سردار عبدالحئی خان دستی نے کہا ہے کہ وزیراعلیٰ پنجاب سردار عثمان بزدارکی ہدایت پر ضلع مظفرگڑھ کے گنے کے کاشتکار وں کو ان کو جائز حق دلوانا ہماری اولین ترجیح ہے اس کیلئے کسی قسم کا سمجھوتہ نہیں ہوگا، انہوں نے کہا کہ کسان ہمارے ضلع کا سب سے مظلوم طبقہ ہیں، ان کے حق پر ڈاکہ ڈالنے والوں کو کیفر کردار تک پہچائیں گے اور کسی قسم کی رعائت نہ ہوگی۔ڈپٹی کمشنر مظفرگڑھ ڈاکٹر احتشام انور نے کہا کہ شوگر ملز انتظامیہ کسانوں کو حکومتی ریٹ 180روپے فی من ادائیگی کو بروقت یقینی بنائے، وزن میں کٹوتی کرنے والوں کے خلاف کارروائی ہوگی، معاون خصوصی برائے خوراک سردار خرم سہیل لغاری نے کہا کہ گنے کے کاشتکاروں کا استحصال نہیں ہونے دینگے، وزن میں کٹوتی کرنے والوں اور سرکاری ریٹ پر ادائیگی نہ کرنے پر شوگر ملز انتظامیہ کے خلاف ایف آئی آر درج کی جائیں گی اور ملوث افراد کو بند کرایا جائے گا۔ان خیالات کا اظہار انہوں نے ڈپٹی کمشنر آفس میں گنے کے کاشتکاروں کو در پیش مسائل کے حوالے سے منعقدہ اجلاس سے خطاب کرتے ہوئے کہی، اجلاس میں ممبر صوبائی اسمبلی سردار نیاز گشکوری، فاطمہ شوگر ملز،شیخو شوگر ملز اور رحمان حاجرہ شوگر ملز کے نمائندگا ن، ایڈیشنل ڈپٹی کمشنر ریونیو عطاء الحق ، اسسٹنٹ کمشنر ظہور حسین بھٹہ سمیت کسان تنظیموں کے نمائندگان نے بھی شرکت کی۔