ضلع مظفرگڑھ کی سڑکوں کی مرمت کا مطالبہ

مظفرگڑھ ۔ (مظفرگڑھ ڈاٹ سٹی ۔ 26 اکتوبر2019ء) ضلعی صدر مجلس شہریاں مظفرگڑھ رانا امجد علی امجد ایڈووکیٹ نے وزیر اعلی پنجاب سردار عثمان بزدار سے مطالبہ کیا ہے کہ ضلع مظفرگڑھ بھر میں صرف سال 2019 کے دوران رونما ہونے والے حادثات کا جائزہ لیا جائے۔ انہوں نے بتایا کہ ضلع بھر میں 12 ہزار 835 حادثات ہوچکے ہیں جن میں علی پور تا مظفرگڑھ قاتل روڈ پر سب سے ذیادہ حادثات رونما ہوئے۔

   ضلع بھر میں ہوئے حادثات میں 14 ہزار افراد زخمی 97 جاں بحق اور ایک ہزار 850 افراد معذور بھی ہوچکے ہیں۔ اور کروڑوں کی گاڑیاں ٹوٹ پھوٹ چکی ہیں۔ ضلع مظفرگڑھ جو پہلے ہی پس ماندہ ترین ضلع ہے ,شہریوں کا اتنا بڑا جانی و مالی نقصان ناقابل برداشت ہے اور اس پر عوامی نمائندوں کی مجرمانہ خاموشی قابل مذمت ہی. انہوں نے وزیراعلی سے دورویہ سڑک تعمیر کرانے اور فنڈز ریلیز کرنے کا مطالبہ کیا ہے