سی پیک پاکستان کی خوشحالی کا اہم ترین منصوبہ ہے‘ ایم پی اے مخدوم سیدسبطین رضابخاری

مظفر گڑھ ۔ (مظفر گڑھ ڈاٹ سٹی۔ 17 مارچ2018ء) مسلم لیگ (ن) کے ایم پی اے مخدوم سید سبطین رضا بخاری نے کہا ہے کہ سی پیک پاکستان کی خوشحالی کا اہم ترین منصوبہ ہے جو مخالفین کو ہضم نہیں ہو رہا‘ ملک دشمن قوتیں پاکستان کا کچھ نہیں بگاڑ سکتیں ،مسلم لیگ ن نے ملک کو معاشی طور پر مضبوط بنا دیا ہے ،تحصیل علی پور کو ترقیاتی حوالے سے ماڈل تحصیل بنا کر دم لیں گے ،گوپانگ گروپ نے الیکشن میں کئے وعدے پورے کر دیئے ہیں, جلد ہی حلقہ کا دورہ کر کے نئے شامل ہونے والے علاقوں کے معززین سے ملاقات کرونگا۔15سال تک علی پور کو پسماندہ رکھنے والے آج گوپانگ گروپ کے خلاف باتیں کرتے ہیں حلقہ کے عوام ناکام سیاستدان کی باتوں میں نہیں آئیں گے۔ ایم این اے سردار عاشق خان گوپانگ نے اربوں کے منصوبے مکمل کروا کر حلقہ کے عوام سے دوستی کا حق ادا کر دیا۔انہوں نے یہ گفتگوچیئرمین یونین کونسلز ملک مختیار ڈوگر ،چیئرمین حاجی حیات اللہ خان ہجبانی سے ملاقات کے دوران کی . انہوں نے کہا کہ یونین کونسل بندے شاہ اوریونین کونسل یاکیوالی،میں کروڑوں کے فنڈز سے عوامی منصوبوں پر کام جاری ہے۔میرے حلقہ میں جو نئے مواضعات شامل ہوئے ہیں۔ جلد ہی ان کا دورہ کرونگا انشائ اللہ آئندہ جنرل الیکشن میں پاکستان مسلم لیگ ن گوپانگ گروپ بھاری اکثریت سے کامیابی حاصل کر کے عوامی خدمت کا سلسلہ جاری رکھے گا۔