سماجی تنظیم کی جانب سے معزور افراد میں وہیل چیئرز تقسیم کرنے کی تقریب

مظفر گڑھ۔23 مئی(مظفر گڑھ ڈاٹ سٹی۔ 23 مئی2018ء)خصوصی افراد جسمانی معذوری کے باوجود غیر معمولی کارہائے نمایاں سر انجام دے سکتے ہیں،معذور افرادمعاشرے کا کارآمدحصہ ہیں، انہیں اپنا کردار ادا کرنے کیلئے ہر ممکن مواقع فراہم کئے جانے چاہیں،ان خیالات کا اظہار ایڈیشنل ڈپٹی کمشنر ریونیو عطاالحق نے سماجی تنظیم ہینڈز کی جانب سے معزور افراد میں وہیل چیئرز تقسیم کرنے کی تقریب سے خطاب کرتے ہوئے کیا، تقریب میں سامٹی،جاڑیوالہ اور چک نمبر 4۔7 ایل کے سے تعلق رکھنے والے افراد میں 14 وہیل چیئرز اور 3 بیساکھیاں تقسیم کی گئیں، تقریب سے سماجی تنظیم ہینڈز کی ڈسٹرکٹ ہیڈ میس سعدیہ نواز نے بھی خطا ب کیا۔