سردار کوڑے خاں پبلک سکول کی بہتری کیلئے اقدامات اٹھائے جائیں ، ممبران سول سوسائٹی

مظفرگڑھ ۔ (مظفرگڑھ ڈاٹ سٹی ۔ 30 جولائی2019ء) سول سوسائٹی مظفرگڑھ کے ممبران نے مشترکہ بیان میں کہا ہے سردار کوڑے خان پبلک سکول مظفرگڑھ کے معاملات پر تفصیل سے غور و خوض کیا گیا ہے، ممبران سول سوسائٹی اس بات پر متفق ہیں کہ سردار کوڑے خاں پبلک سکول ہمارا قیمتی اثاثہ ہے، فروغ تعلیم کیلئے اس ادارے کی بے مثال خدمات ہیں، حالیہ انتظامی تبدیلی کے نتیجے میں معیار تعلیم یں مزید بہتری اور مزید وسائل کی توقع ہے کیونکہ کیئر فاؤنڈیشن سکول کے اساتذہ کی جدید خطوط پر تربیت کے ساتھ ساتھ سائنس کی لیبارٹری، سکول کی لائبریری کنٹین کیلئے اضافی وسائل فراہم کرے گی جبکہ سکول کی موجودہ فیس اور سٹاف کی شرائط ملازمت برقرار رہیں گی،یہ بات ممبران سول سوسائٹی نے ایک اجلاس میں کہی، ممبران سول سوسائٹی نے اس رائے کا اظہار کیا کہ کیئر فاؤنڈیشن پہلے ہی ضلع کے دو سو سرکاری سکولوں جبکہ پنجاب اور سندھ کے 888سرکاری سکولوں کے انتظامی معاملات کو کنٹرول کررہی ہے، ممبران نے بعض حلقوں کی جانب سے کئے جانے والے پروپیگنڈہ کو بلا جواز قرار دیتے ہوئے کہا کہ یہ فیصلہ کسی فرد واحد کا نہیں بلکہ سکول کی گورننگ باڈی کا ہے، جس میں ضلع کے پوسٹ گریجویٹ کالجز کے دو سینئر پرنسپل، سی ای او تعلیم او رڈسٹرکٹ بار ایسوسی ایشن کے صدر بھی شامل تھے، ممبران نے ایک سال کی آزمائشی مدت پر اطمینان کرتے ہوے کہا کہ اگر اس عرصہ میں مطلوبہ تنائج حاصل نہ ہوں تو پھر معاہدہ منسوخ کر کے ضلعی حکومت خود ماہرین تعلیم اور سول سوسائٹی کی مشاورت سے سرانجام دے گی، اجلاس میں صدر ڈسٹرکٹ بار ایسوسی ایشن، سابق چیئر مین سول سوسائٹی نیٹ ورک ملک خیر محمد بدھ، صدر ادارہ فکرو ثقافت حافظ اکبر نقاش، سرپرست انجمن تاجران ملک جاوید اختر، وزیر خان دستی صدر ایپکا مظفرگڑھ، سابق صدر این جی او کونسل رشید خان شیروانی، سابق ممبر ضلع کونسل و چیئر پرسن سائیکوپ ام کلثوم سیال، نمائندہ صحافی میاں محمد طیب و دیگرممبران نے شرکت کی۔