سرائیکی خطہ کے سیاستدان بھی اپنی اپنی سیاسی حد بندیوں سے بالا تر ہوکر اجتماعی حقوق کیلئے متحد ہوں،ملک اللہ نواز وینس

مظفرگڑھ۔ (مظفرگڑھ ڈاٹ سٹی۔ 04 دسمبر2019ء) پاکستان سرائیکی پارٹی کے مرکزی صدر ملک اللہ نواز وینس نے سرائیکی خطہ کے جاگیرداروں ، سرمایہ داروں، سیاسی لیڈروں ، علماء کرام اور مشائخ عظام پر زور دیا ہے کہ وہ اپنے اپنے ذاتی مفادات سے بالا تر ہوکر مظلوم سرائیکی وسیب کے اجتماعی حقوق کیلئے آواز بلند کریں اور سرائیکستان صوبہ تحریک کا ساتھ دیں۔انہوں نے مظفرگڑھ پریس کلب میں سردار محسن خان ڈاہر، ملک جاوید چنڑ، سلطان محمود کلاچی، ملک محمد فہیم ارائیں، ملک غلام فرید چنڑ، سردار خالد خان ڈاہر اور دوسرے عہدیداروں کے ہمراہ پریس کانفرنس سے خطاب کرتے ہوئے کہا کہ ملک کے سب سے بڑے صوبہ پنجاب کے 36اضلاع میں سے 24 اضلاع سرائیکی خطہ پر مشتمل ہیں جبکہ اپر پنجاب کے صرف 12 اضلاع ہیں مگرملک کی عدلیہ اور بیوروکریسی میں سرائیکی خطہ کے 24 اضلاع کو پانچ فیصد حصہ بھی نہیں ملتااور سرائیکی وسیب کے اجتماعی حقوق سلب کیے جارہے ہیں جس کیخلاف پورے سرائیکی وسیب کو بیک آواز ہوکر منظم تحریک چلانا ہوگی۔