سانحہ ہیڈ محمد والا ،فرارہونیوالا ویگن ڈرائیور گرفتار

مظفر گڑھ۔ (مظفر گڑھ ڈاٹ سٹی۔ 04 جولائی2017ء) سانحہ ہیڈ محمد والا مظفرگڑھ کی تفتیش کے سلسلے میں تھانہ صدرپولیس کو اہم کامیابی حاصل ہوگئی . تھانہ صدر مظفرگڑھ پولیس نے جلتی وین میں موجود خواتین اور بچوں کو بے یارومددگار چھوڑ کر فرار ہو جانے والے وین ڈرائیور عمران کو گرفتار کر لیا۔ڈی پی او مظفرگڑھ.یہ حادثہ گذشتہ روز وین ٹائر پھٹنے کی وجہ سے بجلی کے پول سے جا ٹکرائی ،آگ لگ جانے کی وجہ سے 3 بچیوں سمیت 7 خواتین جانبحق اور 23 زخمی ہو گئیں تھیں۔وین ڈرائیور غفلت مجرمانہ کا مظاہرہ کرتے ہوئے ریسکیو کرنے کی بجائے فرار ہو گیا اور معصوم بچیاں اور خواتین آگ میں جھلس کر جاںبحق اور زخمی ہو گئیں۔پولیس کے مطابق وین ڈرائیور فرار ہونے کی بجائے وین کے دروازے ہی کھول دیتا تو معصوم جانیں بچ سکتی تھیں۔لیکن ڈرائیور نے مجرمانہ غفلت کا مظاہرہ کرتے ہوئے جلتی وین میں جلتی ہوئیں بچیوں اور خواتین کی مدد کرنے کی بجائے انہیں تنہا چھوڑ کر فرار ہو گیا تھا.