سانحہ مظفرگڑھ پر صوبائی مشیر زراعت پنجاب سردار عبدالحئی خان دستی مظفرگڑھ پہنچ گئے، جاری امدادی سرگرمیوں کی نگرانی کی

مظفرگڑھ۔ (مظفر گڑھ ڈاٹ سٹی۔ 12 فروری2020ء) تین منزلہ عمارت زمین بوس ہونے کے دلخراش سانحہ مظفرگڑھ پر صوبائی مشیر زراعت پنجاب سردار عبدالحئی خان دستی فوری مظفرگڑھ پہنچ گئے اور تاجر اتحاد اور تحریک انصاف کے رہنما مون شیخ کے ہمراہ رات گئے جائے حادثہ پر پہنچے اور جاری امدادی سرگرمیوں کی نگرانی کرتے ہوئے متاثرہ خاندان سے اس افسوسناک حادثہ پر تعزیت کرتے ہوئے اپنے مکمل تعاون کا یقین دلایا اور صوبائی مشیر زراعت پنجاب سردار عبدالحئی خان دستی نے ڈپٹی کمشنر مظفرگڑھ انجنئیر امجد شعیب ترین سے بات چیت کرتے ہوئے متاثرین کی مالی امداد کرنے کے لیے رپورٹ تیار کرنے کی بھی ہدایت کی تاکہ پنجاب حکومت کی طرف سے اس المناک سانحہ پر متاثرین کی مالی امداد کو یقینی بنایا جاسکا۔اس موقع پر انجمن تاجر اتحاد کے رہنمائوں افضل چوہان، شیخ مشرف علی، عدیل شیخ، الطاف بخاری ایڈوکیٹ، مزمل علی اور دیگر نے صوبائی مشیر زراعت پنجاب سردار عبدالحئی خان دستی کو زمین بوس ہونیوالی عمارت کے سانحہ اور امدادی سرگرمیوں کے بارے میں آگاہ بھی کیا۔