رجب طیب اردگان ہسپتال کے توسیعی منصوبے کی بروقت تکمیل کیلئے تمام وسائل کو بروئے کارلایا جائے ،احمدعلی کمبوہ

مظفرگڑھ۔3 مارچ(مظفر گڑھ ڈاٹ سٹی۔ 03 مارچ2018ء)کمشنر ڈیرہ غازی خان احمد علی کمبوہ نے کہا ہے کہ رجب طیب اردگان ہسپتال کے توسیعی منصوبے کی بروقت تکمیل کیلئے تمام وسائل کو بروئے کارلایا جائے تاکہ 23مارچ کو وزیر اعلیٰ پنجاب محمد شہباز شریف کی مظفرگڑھ آمد پر اس کو افتتاح کیا جائے۔ یہ بات انہوں نے توسیعی منصوبے پر جاری کام کا معائنہ کرتے ہوئے کہی، ڈپٹی کمشنر محمد سیف انور بھی ان کے ہمراہ تھے، کمشنر نے متعلقہ ٹھیکیدار اور پروجیکٹ منیجر کو ہدایت کی کہ کام کی رفتار کو تیز کیا جائے، لیبر کی تعداد میں اضافہ کیا جائے اور دن رات شفٹوں مین کام کیا جائے، انہوں نے کہا کہ فنڈز کی فراہمی میں کوئی تاخیر نہیں کی جائے گی، کام اور مٹیریل کے معیار کا خاص خیال رکھا جائے ، اس موقع پر ڈپٹی کمشنر محمد سیف انور نے بتایا کہ توسیعی منصوبے پر کام تیزی سے جاری ہے تعمیراتی کام تقریباً مکمل ہوچکا ہے ، جدید مشینری و آلات پہنچ چکے ہیں جن کی تنصیب کا کام جاری ہے ۔ھیکیدار اور پروجیکٹ منیجر کو سختی سے ہدایت کی گئی ہے کہ مقررہ مدت تک کام کو مکمل کیا جائے، انہوں نے بتایا کہ انڈس ہسپتال کی منیجمنٹ کے سروے کے بعد 17مارچ کو ہسپتال ان کے حوالے کردیا جائے گا، 23مارچ کو وزیر اعلیٰ پنجاب محمد شہباز شریف اس کو باقاعدہ افتتاح کریں گے ، اس کے بعد ضلع کی عوام کو ہسپتال میں صحت کی جدید سہولیات فراہم کرنا شروع کردی جائیں گی، کمشنر ڈی جی خان احمد علی کمبوہ اور ڈپٹی کمشنر محمد سیف انور نے ہسپتال کے مختلف شعبہ جات میں جاری کام اور مٹیریل کے معائنہ کا معائنہ کیا اور اطمینان کا اظہار کیا۔