دریائے چناب میں ڈوبنے والی طالبہ کا ڈراپ سین

مظفر گڑھ (مظفر گڑھ ڈاٹ سٹی۔26 اگست 2018ء) دریائے چناب پرسیلفی بناتے ڈوبنے والی ایف سی کی طالبہ کا ڈراپ سین ہوگیا۔ انیلہ دریائے چناب میں ڈوبی نہیں بلکہ عشق چناب میں ڈوب کرآشنا کے ساتھ فرار ہوگئی تھی،ریسکیو 1122کی ٹیمیں گزشتہ دو روز سے دریا میں لاش کوتلاش کرتے رہے۔ میڈیا رپورٹس کے مطابق معلوم ہوا کہ دریائے چناب میں ڈوبنے والی طالبہ انیلہ اپنے آشنا کے ساتھ فرار ہوگئی تھی لیکن گھر والوں نے سمجھا کہ شاید ان کی بیٹی دریا میں ڈوب گئی ہے۔واضح رہے انیلہ کے گھر والوں کے مطابق کہ عید کے دوسرے روز 16 سالہ لڑکی دریائے چناب پر سیلفی بناتے ہوئے دریا میں گر کر ڈوب گئی۔ جس پرریسکیو ٹیم کواطلاع دی گئی توانہوں نے نعش کی تلاش کے کاروائی شروع کی۔ بتایا گیا کہ انیلہ میراں پور سے اپنے والدین کے ہمراہ شہر سلطان کے قریب دریائے چناب پر عید کے دوسرے دن سیر کیلئے آئی۔وہ سیلفی بناتے ہوئے اچانک دریا میں گر گئی اور ڈوب کر جاں بحق ہو گئی۔انیلہ ایف ایس سی کی طالبہ تھی۔ اب معلوم ہوا ہے کہ دریا میں گر کر ڈوبنے والی ایف سی کی طالبہ دراصل اپنے آشنا کے ساتھ فرار ہوگئی تھی۔ لیکن گھروالوں کو اطلاع دی گئی کہ انیلا سیلفی بناتے ہوئے دریا میں ڈوب کر جاں بحق ہوگئی ہے۔ جس پران کے ورثاء شدید غم میں مبتلا ہوگئے۔ انہوں نے ریسکیو کے ذریعے بچی کی نعش تلاش کرنے کیلئے کاروائی شروع کروائی۔والدین کی درخواست پر پولیس نے مقدمہ درج کرکے ملزم کے خلاف کاروائی شروع کردی ہے۔ دوسری جانب لطیف آباد بچاؤبند یونٹ نمبر4 میں دریائے سندھ کے قریب نہاتے ہوئے چار نودجوان گھیرے پانی میں ڈوب گئے جن میں سے 3کو علاقے کے لوگوں نے اپنی مدد آپ کے تحت بچالیا ، ایک نوجوان 14 سالہ سلمان کی تلاش جاری تھی ، کئی گھنٹوں کی کوششوں کے باوجود اس کے بارے میں پتہ نہیں چل سکا۔ ڈوبنے والا نوجوان سلمان حیدرآباد کے علاقے صدر کا رہائشی ہے اور وہ اپنے دیگر تین دوستوں کے ہمراہ بچاؤ بند پر نہانے کیلئے گیا ہوا تھا۔