دریائے چناب میں اونچے درجے کے سیلاب کا خطرہ، ڈپٹی کمشنر مظفرگڑھ کا دریائے چناب کے مختلف علاقوں کا دورہ

ڈپٹی کمشنر نے مزید کہا کہ سیلاب سے متاثرہ علاقوں میں 12 فلڈ ریلیف کیمپ بھی قائم کر دیئے گئے ہیں جہاں محکمہ صحت کی ٹیمیں اور محکمہ مال کے اہلکار لوگوں کی مدد کےلئے موجود ہیں ان کے علاوہ محکمہ لائیو سٹاک کی ٹیمیں مویشیوں کی ویکسینیشن کر رہی ہیں۔انہوں نے کہا کہ ضلعی انتظامیہ نے تیاریاں مکمل کر لی ہیں اور وہ ہر طرح کی ہنگامی صورتحال سے نمٹنے کیلئے تیار ہے۔ڈسٹرکٹ ایمرجنسی آفیسر ڈاکٹر حسین میاں نے میڈیا سے گفتگو کرتے ہوئے بتایا ہے کہ ممکنہ اونچے درجے کے سیلاب سے نمٹنے کےلئے ریسکیو 1122 سروس نے مکمل تیاریاں کر لی ہیں ریسکیو 1122 نے رنگپور سے ہیڈ پنجند تک 15 کیمپ قائم کر دیئے ہیں۔