درخت ہمیں بہترین ماحول فراہم کرنے کے ساتھ ساتھ معاشی طور پر بھی مضبوط کرتے ہیں،انچارج انسپکٹرسرکل علی پور

مظفرگزھ (مظفرگڑھ ڈاٹ سٹی ۔ 19 اگست2020ء) درخت ہماری زندگی کی بقا ہیں، پودوں کو تناور درخت بنانا ہم سب کی ذمہ داری ہے۔ ان خیالات کا اظہار پٹرولنگ چیک پوسٹ لنگرواہ پولیس سرکل علی پور کے انچارج انسپکٹر مہر بلال حسین نے چیک پوسٹ میں شجر کاری کے دوران صحافیوں سے گفتگو کرتے ہوئے کیا۔

انہوں نے کہا کہ ایڈیشنل آئی جی پنجاب ظفر اقبال اعوان کی جانب سے پٹرولنگ پولیس کے لئے پلانٹیشن ویک چل رہا ہے۔

ایس پی پٹرولنگ ڈیرہ غازی خان بہار احمد شاہ کی ہدایت اور ڈی ایس پی پٹرولنگ مظفرگڑھ عبدالرحیم خان لغاری کی نگرانی میں پٹرولنگ پولیس پورے جوش و جذبے سے پلانٹیشن کر رہی ہے۔انہوں نے کہا کہ درخت ہمیں بہترین ماحول فراہم کرنے کے ساتھ ساتھ معاشی طور پر بھی مضبوط کرتے ہیں،پوری قوم کو حکومتی مہم کا حصہ بن کر شجر کاری میں حصہ لینا چاہئے۔