خواجہ فاروق احمد نے اسمبلی میں گرج کر دارالحکومت کی محرومیوں مایوسیوں کے ذمہ داران کو بے نقاب کرکے تاریخ رقم کردی ،خواجہ بلال نزیر قادری

مظفرآباد(مظفرگڑھ ڈاٹ سٹی ۔ 17 دسمبر2021ء) پاکستان تحریک انصاف آزاد کشمیر کے نوجوان متحرک رہنما خواجہ بلال نزیر قادری نے کہا ہے کہ خواجہ فاروق احمد نے قانون ساز اسمبلی میں گرج کر دارالحکومت کی محرومیوں مایوسیوں کے ذمہ داران کو بے نقاب کرکے تاریخ رقم کردی ہے،مظفرآباد کو آثار قدیمہ،قبرستان سے تشبیہ دینے اور پسماندگی کا شکار کرنے والوں کا کچا چٹھا کھول دیا گیا ہے،آزاد کشمیر بھر سمیت تحریک آزادی کشمیر کے بیس کیمپ کی تمام محرومیوں کا خاتمہ وزیر بلدیات خواجہ فاروق احمد خان کی قیادت میں تحریک انصاف آزاد کشمیر کے جھنڈے تلے دور کر کے رہیں گے،خواجہ بلال نذیر قادری نے کہا کہ تقسیم کا شور مچانے والے اصل میں آزاد کشمیر کی تعمیر و ترقی کے دشمن ہیں صرف چار ماہ کی کارکردگی سے ہی ریاستی وسائل کے چور اوسان خطا کر بیٹھے ہیں،قوم کو نوکر نہیں مالک بنانے کی طرف توجہ ہے،جلد پاکستان سے بھی لوگ کاروبار کی غرض سے آزاد کشمیر کا رخ کریں گے،دارالحکومت کو کاروباری حب بنائیں گے،انھوں نے کہا کہ صحافت کا لبادہ اوڑھ کر زعماء شہر کی پگڑیاں جعلی آئی ڈیز کے ذریعے اچھالنے والوں کے خلاف کمر کس لی ہے جلد ایسے مزموم سازشی عناصر کو منطقی انجام سے دوچار کرنے سمیت شہر بھر اور آزاد کشمیر کے تمام اضلاع میں عوامی سطح پر بے نقاب کریں گے۔