خان گڑھ شہر میں صحت و صفائی کی حالت بدستور خراب

مظفرگڑھ (مظفرگڑھ ڈاٹ سٹی ۔ 17 اگست2019ء) خان گڑھ شہر میں صحت و صفائی کی حالت بدستور خراب، میونسپل کمیٹی خان گڑھ شہر کی صفائی میں ناکام، سیوریج سسٹم بند ہو کر رہ گیا۔
شہر کی گلیاں، سڑکیں، محلہ نوابان، وٹرنری ہسپتال روڈ، بستی کلاں، محلہ مسجد قبا، وکیل نگر، النگ، توحید آباد، ٹبی،محلہ قادر آباد اور دیگر علاقوں میں سیوریج کا پانی گزشتہ کئی روز سے کھڑا ہے جس سے مچھر اور دیگر زہریلے کیڑے پیدا ہو رہے ہیں جس کی نکاسی نہ ہونے سے شہریوں کو مشکلات کا سامنا ہے۔ جبکہ بلدیہ کا عملہ شہر کی صحت و صفائی کا نظام بہتر بنانے میں ناکام ہو گیا ہے۔ شہریوں نے ڈپٹی کمشنر مظفرگڑھ سے نوٹس لینے کا مطالبہ کیا ہے۔