حکومت پنجاب ڈینگی کی روک تھام کے لیے بھر پر اقدامات کر رہی ہے،ڈپٹی کمشنرمظفرگڑھ

مظفرگڑھ۔ (مظفرگڑھ ڈاٹ سٹی ۔ 11 ستمبر2020ء) ڈپٹی کمشنر انجینئر امجد شعیب خان ترین نے کہا ہے کہ حکومت پنجاب ڈینگی کی روک تھام کے لیے بھر پر اقدامات کر رہی ہے، اللہ کے کرم سے مظفرگڑھ ڈینگی کی وبا سے محفوظ ہے تاہم ہم نے اپنی تیاری بھر پور طریقہ سے کرنی ہے۔یہ بات انہوں نے ڈینگی سے بچاؤ کے سلسلے میں ایک اجلاس کی صدارت کرتے ہوئے کہی۔

انہوں نے کہا کہ ڈینگی کے خاتمے کے لیے تمام محکمے اپنا کردار ادا کریںجن محکموں کے سٹاف کو رجسٹرڈ کیا گیا ہے وہ سرویلنس پر توجہ دیں، اس ضمن میں غفلت اور لاپرواہی کی کوئی گنجائش نہیں ہوگی۔انہوں نے کہا کہ ضلع بھر میں کباڑخانوں،قبرستانوں اور ٹائر شاپس کو روزانہ کی بنیاد پر چیکنگ کا سلسلہ جاری رکھیںکیونکہ موجودہ موسم ڈینگی مچھر کی افزائش کے لیے ساز گار ہے اس لیے ان ایام میں خصوصی ذمہ داری کا مظاہر ہ کرنا ہوگا۔