حکومت ملک سے پولیو جیسے موذی مرض کے مکمل کاتمے کیلئے پر عزم ہے ،عبدالحئی خان دستی

مظفرگڑھ (مظفرگڑھ ڈاٹ سٹی 26 فروری2022ء) صوبائی مشیر برائے زراعت عبدالحئی خان دستی نے کہا ہے کہ حکومت ملک سے پولیو جیسے موذی مرض کے مکمل کاتمے کیلئے پر عزم ہے اور جلد ہی ہم پاکستان کو پولیو سے پاک کر دیں گے یہ بات انہوں نے ڈسٹرکٹ ہیڈ کوارٹر ہسپتال مظفرگڑھ میں انسداد پولیو مہم کا افتتاح کرتے ہوئے کہی اس موقع پر ڈپٹی کمشنر سید موسیٰ رضا بھی ان کے ہمراہ تھے۔

صوبائی مشیر نے کہا کہ پولیو کے مکمل خاتمے کیلئے ضروروی ہے کہ ہم انسداد پولیو مہم کو کامیاب بنانے کیلئے ہر بار اپنے 5سال تک کی عمر کے بچوں کو ویکسین کے قطرے ضرور پلائیں۔اس موقع پر ڈپٹی کمشنر سید موسیٰ رضا نے میڈیا سے گفتگو کرتے ہو ئے کہا کہ انسداد پولیو مہم 28فروری سے 4مارچ تک جاری رہے گی جس کیلئے محکمہ صحت کی 2529ٹیمیں تشکیل دی گئی ہیں جو گھر گھر جا کر 5سال تک کی عمر کے تمام بچوں کو ویکسین کے قطرے پلائیں گی انہوں نے کہاکہ حکومت کی ہدایات کے مطابق ہم نے پولیو پر فوکس کیا ہوا ہے جلد ہی ہم پاکستان کو پولیو فری ملک بنائیں گے۔