حساس اور اہم تنصیبات کی سکیورٹی پر کوئی سمجھوتہ نہیں کیا جائے گا،ڈی سی اومظفر گڑھ

مظفر گڑھ۔16 دسمبر(مظفر گڑھ ڈاٹ سٹی۔ 16 دسمبر2016ء) ضلع میں قائم حساس اور اہم تنصیبات کی سکیورٹی پر کوئی سمجھوتہ نہیں کیا جائے گا، حساس نتصیبات کے سکیورٹی کیلئے حکومت کی طرف سے مرتب کردہ ایس او پی پر ہر صورت عمل کیا جائے عمل نہ کرنے والے اداروں کے سربراہان کے خلاف مقدمات بھی درج کئے جاسکتے ہیں۔یہ بات ڈی سی او مظفرگڑھ شوکت علی نے اہم تنصیبات کے سکیورٹی کے سلسلے میں منعقدہ ایک اجلاس کی صدارت کرتے ہوئے انہوں نے مزیدکہا کہ پارکو، لال پیر تھرمل پاور، تھرمل پاو رمظفرگڑھ، کیپکو کوٹ ادو ، پی ایس او کے ڈپو سمیت سرکاری اداروں اور املاک جن میں پل چناب، ہیڈ محمد والا پل، گیس پائپ لائن، ریلوے لائن شامل ہیں کی سکیورٹی کو فول پروف بنایا جائے ، 24گھنٹے سکیورٹی فراہم کی جائے ، گارڈ کے تعداد میں اضافہ کیا جائے، جہاں جہاں ضروری ہے سی سی ٹی وی کیمرے نصب کئے جائیں، گارڈ ز کو جدید اسلحہ فراہم کیا جائے اور ان کو جدید خطوط پر تربیت فراہم دی جائے، بارود کو چیک کرنے کیلئے جدید آلات خرید کئے جائیں، جن اداروں میں غیر ملکی آتے ہیں ان کی سکیورٹی محکمہ پولیس سے لی جائے اور ان کے رہائش پر مشین گن تنصیب کی جائے ، اداروں کی طرف سے بنائے گئے سکیورٹی پلان کو فی الفور نافذ کیا جائے اور اس کو مانیٹر بھی کیا جائے، وقتاً فوقتاً ریہرسل کی جائے تاکہ خامیوں کا پتا چل سکے۔