تھانہ خانگڑھ کی حدود میں ڈاکوؤں نے ایک شخص سے موٹر سائیکل چھین لی

تفصیل کے مطابق مظفرگڑھ کے علاقے خانگڑھ کے تھانہ کی حدود میں مظفرگڑھ روڈ قومی شاہراہ پر منڈا چوک پٹرول پمپ کے نزدیک موضع گجوواہن کے رہائشی وزیر احمدگٹ نامی بیوپاری جو 5 لاکھ روپے نکلوا کر گھر جا رہا تھا کو موٹر سائیکل سوار 5 مسلح ڈاکوؤں نے روکا، اس سے اسلحہ کے زور پر موٹرسائیکل چھین لی، جبکہ بیوپاری نے بھاگ کر قریبی گھر میں پناہ لیکر رقم لٹنے سے بچالی،جبکہ گزشتہ شب تھانہ خان گڑھ کے سامنے واقع گوہر انصاری کی دکان سے تالے توڑ کر 35 ہزار کی نقدی اور سامان اور اس کے ساتھ واقع ارشد کی دکان سے 29 ہزار کی نقدی اور سامان چوری کر لی گئی۔

پولیس تھانہ خان گڑھ نے سی سی ٹی وی فوٹیج حاصل کر کے کارروائی کا آغاز کر دیا ہے۔