تعلیمی اداروں کی ضروریات پوری کرنے کےلئے تمام وسائل بروئے کار لائے جائیں گے،ڈپٹی کمشنر مظفرگڑھ

اس موقع پر ڈپٹی کمشنر آغا ظہیر عباس شیرازی نے گفتگو کرتے ہوئے کہا کہ یہ بچے ہمارا مستقبل ہیں ان کی تعلیم و تربیت اور کردار سازی ہمارا فرض ہے۔انہوں نے کہا کہ تعلیمی اداروں کی ضروریات کو پورا کرنے کیلئے تمام وسائل بروئے کار لائے جائیں گے۔ڈپٹی کمشنر نے کہا کہ بچوں کی بہترین کارکردگی اور نتائج سے والدین کو آگاہ کیا جائے۔انہوں نے کہا کہ بچوں کی تعلیم کے ساتھ صحت مندانہ سرگرمیوں پر بھی توجہ دیں۔ڈپٹی کمشنر نے کہا کہ بچوں کو کھیلوں کے مواقع بھی فراہم کریں۔انہوں نے کہا کہ بچوں کی تعلیمی اور صحت مندانہ سرگرمیوں میں کسی قسم کی کوئی کوتاہی برداشت نہیں کی جائے گی۔