بھارتی فورسز کی نکیال سیکٹر پر بلا اشتعال فائرنگ اور شیلنگ دو خواتین سمیت تین افراد زخمی ایک کی حالت نازک

مظفر آباد(مظفر گڑھ ڈاٹ سٹی۔ 16 اگست۔2015ء) بھارتی فوج کی جانب سے ایل او سی کی خلاف ورزی کا سلسلہ اتوار کو بھی جاری رہا ایک بار پھر بھارتی فورسز نے نکیال سیکٹر میں بلا اشتعال فائرنگ اور شیلنگ کی جس کے نتیجے میں 2 خواتین سمیت 3 افراد زخمی ہو گئے تاہم پاک فوج کی جانب سے جوابی کارروائی پر بھارتی توپیں خاموش ہوگئیں اطلاعات کے مطابق بھارتی فورسز کی جانب سے ایل او سی پر نکیال سیکٹر میں بلا اشتعال فائرنگ اور گولہ باری کی گئی جس کے نتیجے میں 2 خواتین سمیت 3 افراد زخمی ہو گئے۔زخمیوں کی شناخت سردار حنیف، بیٹی مریم اور ناہید اختر کے ناموں سے ہوئی ہے جن میں ایک کی حالت نازک ہے جس کے باعث شہادتوں کاخدشہ ہے ذرائع کا کہنا ہے کہ بھارتی فورسز کی مسلسل شیلنگ کے باعث خواتین کو ہسپتال منتقل نہیں کیا جا سکا بھارتی فورسز کی جانب سے فائرنگ اور گولہ باری کے جواب میں پاک فوج کی جانب سے بھرپور کارروائی کی گئی جس کے باعث بھارتی فوج کی توپیں خاموش ہوئیں فائرنگ کے تبادلے کے باعث علاقے میں خوف وہراس پھیل گیا اور سرحد کے قریب مقامی لوگوں نے نقل مکانی شروع کر دی ہے ذرائع کے مطابق بھارتی فورسز کی جانب سے فائرنگ کے بعد مقامی لوگوں نے پاک فوج زندہ باد کے نعرے لگاتے ہوئے کہاکہ وہ پاک فوج کے شانہ بشانہ بھارتی فورسز کا مقابلہ کر نے کیلئے تیار ہیں واضح رہے کہ گزشتہ کئی روز سے بھارتی فورسز کی جانب سے ایل او سی اور ورکنگ باوٴنڈری پر سیز فائر کی خلاف ورزی جاری ہے اور گزشتہ روز بھی بھارتی فورسز نکیال سیکٹر میں فائرنگ سے 2 شہری شہید اور 2 زخمی ہو گئے تھے۔