بارش سے پیدا ہونی والی صورتحال سے درپیش مسائل کو جلد حل کیا جائے، ڈپٹی کمشنرمظفرگڑھ

مظفرگڑھ۔ (مظفر گڑھ ڈاٹ سٹی۔ 12 مارچ2020ء) ڈپٹی کمشنر انجینئر امجد شعیب ترین کے شدید بارش میں رات گئے شہر کے مختلف مقامات کے دورے۔موسلادھار بارش کے دوران صورتحال کا جائزہ لینے کے قائم والا، راولے والا، کچری چوک، جھنگ موڑ اور مختلف ڈسپوزل اور جنریٹرز کے معائنے۔عرصہ دراز سے ڈسپوزل پر لگی خراب موٹروں کو فوری طور پر ٹھیک کرکے سٹینڈبائی موٹروں کے انتظام کی ہدایت۔شہر میں شدید بارش سے پیدا ہونی والی صورتحال سے درپیش مسائل کو جلدازجلد حل کیا جائے ڈپٹی کمشنر۔تفصیل کے مطابق مظفرگڑھ میں موسلادھار بارش کے پیش نظر ڈپٹی کمشنر انجینئر امجد شعیب ترین کے شدید بارش میں رات گئے شہر کے مختلف مقامات کا دورہ کیا۔انہوں نے قائم والا، راولے والا،کچری چوک، جھنگ موڑ، جیل روڈ، ودیگر مقامات پر دوران بارش نکاسی آب کا جائزہ لیتے ہوئے مختلف ڈسپوزل اور لگے جنریٹرز کا بھی معائنہ کیا۔عرصہ دراز سے ڈسپوزل پر لگی خراب موٹریں جو گزشتہ چئیرمین دور میں بھی ٹھیک یا تبدیل نہیں کی جاسکی تھی کو فوری طور پر تبدیل کرکے سٹینڈبائی موٹروں کے انتظامات کے بھی احکامات جاری کئے تاکہ کسی بھی وقت ڈسپوزل کی موٹر بند ہونے کیوجہ سے پیدا ہونی والی مشکل صورتحال سے نمٹنے کے لئے قبل از وقت حفاظتی اقدامات کئے جاسکیں۔ڈپٹی کمشنر نے دوران شہر کے دورے کے دوران مختلف مقامات پر رک کر میونسپل کارپوریشن کے عملہ کی جانب سے نکاسی آب کے عوامل کی نگرانی بھی کی۔اس موقع پر ڈپٹی کمشنر انجینئر امجد شعیب ترین نے کہا کہ شدید بارش کے باعث پیداہونی والی صورتحال سے نمٹنے کے لئے ضلعی انتظامیہ کوشاں ہے میونسپل کارپوریشن کے افسران و عملہ شہر بھر میں نکاسی آب کے لئے موجود وسائل کو بروئے کار لاتے ہوئے ہر ممکن عملی اقدامات کررہا ہے۔اس موقع پر انکے ہمراہ چیف آفیسر اور چیف سینٹری انسپکٹر سیف اللہ بھی موجود تھے۔