باراتیوں کی بس کی چھت پر سوار 4بچے بجلی کی تاروں سے ٹکراکرشدیدزخمی

مظفر گڑھ۔4 دسمبر(مظفر گڑھ ڈاٹ سٹی۔ 04 دسمبر2017ء) مظفرگڑھ کی تحصیل علی پور میں باراتیوں سے بھری مسافر بس کے چھت پر سوار 4بچے، 11 کے وی کی بجلی کی تاروں سے ٹکرا کر کرنٹ لگنے سے شدید زخمی ہو گئے۔تفصیل کے مطابق تھانہ صدر علی پور کی حدود میں پاکیوالی کے نزدیک باراتیوں سے بھری بس کی چھت پر سوار 4 بچے 11 کے وی کی بجلی کی تاروں سے ٹکرانے سے کرنٹ لگنے کی وجہ سے شدید زخمی ہو گئے ۔بارات علی پور کے تھانہ صدر کی حدود کی بستی صغرا سے روہیلانوالی جا رہی تھی ۔زخمیوں میں 7 سالہ شان، 10 سالہ ہاشم، 12 سالہ نعیم، اور 10 سالہ خلیل شامل ہیں۔ اطلاع ملنے پر ریسیکیو 1122 علی پور نے فوری موقع پر پہنچ کر زخمی بچوں کو تحصیل ہیڈ کوارٹر ہسپتال علی پور منتقل کردیا ہے جہاں بچوں کو طبی امداد فراہم کی جارہی ہے ۔