اپر دیر اور مظفر گڑھ میں ٹریفک حادثات ، قومی اسمبلی میں جماعت اسلامی کے پارلیمانی لیڈر کے بیٹے سمیت 6افرادجاں بحق ، 8شدید زخمی ،زخمیوں کو ہسپتال منتقل کر دیا

اپر دیر/ مظفر گڑھ (مظفر گڑھ ڈاٹ سٹی۔26ستمبر۔2015ء) اپر دیر اور مظفر گڑھ میں ٹریفک حادثات میں قومی اسمبلی میں جماعت اسلامی کے پارلیمانی لیڈر صاحبزادہ طارق اللہ کے بیٹے سمیت 6افرادجاں بحق جبکہ 8شدید زخمی ہو گئے،زخمیوں کو ہسپتال منتقل کر دیا گیا ۔تفصیلات کے مطابق قومی اسمبلی میں جماعت اسلامی کے پارلیمانی لیڈر صاحبزادہ طارق اللہ کے بیٹے صاحبزادہ وقاص اپنے دوستوں کے ساتھ لواری ٹاپ سیر و تفریح کیلئے جا رہے تھے کہ ان کی گاڑی کو لنڈئی کے قریب حادثہ پیش آ گیا جس کے نتیجے میں صاحبزادہ وقاص جاں بحق جبکہ اپر دیر ضلع کے ناظم اور نائب ناظم کے بیٹوں سمیت 6افراد شدید زخمی ہو گئے جنہیں فوری طور پر قریبی ہسپتال منتقل کر دیا گیا ہے۔دوسری جانب مظفر گڑھ میں ملتان روڈ پر ایک تیز رفتار بس نے دو موٹرسائیکلوں کو ٹکر مار دی، جس کے نتیجے میں ایک ہی خاندان کے 5افراد جاں بحق جبکہ 2زخمی ہو گئے جنہیں فوری طور پر طبی امداد کیلئے قریبی ہسپتال منتقل کر دیا گیا ہے۔