آٹے کا 20کلو کا تھیلہ 805روپے میں وافر مقدار میں دستیاب ہے،ڈپٹی کمشنر انجینئر امجد شعیب خا ن

مظفرگڑھ۔ (مظفر گڑھ ڈاٹ سٹی۔ 22 جنوری2020ء) ڈپٹی کمشنر انجینئر امجد شعیب خا ن ترین نے کہا ہے کہ حکومت پنجاب کی ہدایت کے مطابق ضلع بھر میں آٹے کے 20کلو کا تھیلہ سرکاری نرخ کے مطابق 805روپے میں وافر مقدار میں دستیاب ہے، ضلع بھر میں کسی جگہ آٹے کا کوئی بحرا ن نہیں ہے، ضلع کی عوام نہ صرف دکانوں سے آٹا خرید کرسکتے ہیں بلکہ آٹے کے مختلف جگہو ں پر بنائے گئے سیل پوائنٹس کے علاوہ مختلف مقامات پر فلورملز کے کھڑے ٹرکوں سے بھی آٹا باآسانی خرید سکتے ہیں،انہوں نے کہا ہے کہ ضلع بھر میں آٹے کی رسد اور طلب میں توازن ہے، تمام ملوں کو مانیٹر کیا جارہا ہے، پرائس کنٹرول مجسٹریٹس ضلع بھر کے بازاروں میں روزانہ کی بنیاد پر دکانوں کا معائنہ کرتے ہیں، زائد قیمت وصول کرنے والے اور ذخیرہ کرنے والوں کے خلاف نہ صرف جرمانہ کیا جارہا ہے بلکہ سخت سے سخت کاروائی بھی عمل میں لائی جارہی ہے۔