انتخابی کارنرمیٹنگ کیلئے سرکاری سکولوں کا استعمال، تین امیدواروں کو 21جولائی کو طلب کرلیاگیا

مظفرگڑھ۔20جولائی(مظفر گڑھ ڈاٹ سٹی۔ 20 جولائی2018ء) انتخابی مہم کے دوران سرکاری سکولوں کو کارنر میٹنگ کیلئے استعمال کرنے پر ڈسٹرکٹ مانیٹرنگ آفیسر ڈپٹی کمشنر مظفرگڑھ قیصر سلیم نے نوٹس لیتے ہوئے قومی اسمبلی کے حلقہ این اے 184کے امیدوار ملک قسور کریم لنگڑیال ، صوبائی اسمبلی کے حلقہ پی پی 279کے امیدوار کے امیدوار احمد یار ہنجرااور صوبائی اسمبلی کے حلقہ 270کی امیدوار مہناز سعید کو نوٹسز جاری کردئیے ہیںجس میں امیدواران کو 21جولائی بروز ہفتہ اپنے آفس میں طلب کرلیا گیا ہے، جبکہ کارنر میٹنگ کیلئے استعمال کئے جانے والے سکولوں کے پرنسپل سے بھی جواب طلب کرلیا گیا ہے، دوسرے طرف انتخابی ضابطہ اخلاق کی خلاف ورزی کرتے ہوئے امیدواروں کی انتخابی مہم چلانے پر یونین کونسل چک فرازی مظفرگڑھ کے چیئرمین سردار عاشق حسین اور یونین کونسل پرہاڑ کوٹ ادو کے چیئرمین فاروق احمد پرہاڑ کو بھی نوٹسز جاری کرتے ہوئے 21جولائی بروز ہفتہ کو اپنے آفس میں طلب کرلیا ہے ۔