امیگریشن بیورو ملتان وفاقی وزیر ذوالفی بخاری کی زیر نگرانی اوورسیز پاکستانیوں کی خدمت میں پیش پیش ہے،کامران منیر بھٹی

مظفرگڑھ۔ (مظفر گڑھ ڈاٹ سٹی۔ 31 جنوری2020ء) ریجنل ہیڈ جنوبی پنجاب پروٹیکٹر آف امیگریشن بیورو ملتان جناب کامران منیر بھٹی سے صدر مجلس شہریاں رانا امجد علی امجد ایڈووکیٹ نے جنوبی پنجاب کے معروف صحافی جناب ارشد ملک کے ہمراہ ملاقات کی۔ موقع پر گفتگو کرتے ہوئے کامران منیر بھٹی نے کہا کہ امیگریشن بیورو ملتان ڈائریکٹر جنرل کاشف نور اور وفاقی وزیر ذوالفی بخاری کی زیر نگرانی اوورسیز پاکستانیوں کی خدمت میں پیش پیش ہے،ایک ہی چھت کے نیچے پروٹیکٹر پراسیس مکمل کیا جا رہا ہے۔

انہوں نے بتایا کہ ڈیرہ غازی خان میں پروٹیکٹر آفس ماہ فروری کے آخر میں کام شروع کردے گا۔انہوں نے کہا کہ اوورسیز جانے والے افراد کو اگر کوئی مشکل یا راہنمائی درکار ہو تو وہ ان سے براہ راست رابطہ کر سکتے ہیں۔