امن ہم سب کی ضرورت ہے، ڈپٹی کمشنر

مظفر گڑھ۔8 نومبر(مظفر گڑھ ڈاٹ سٹی۔ 08 نومبر2017ء)ڈپٹی کمشنر مظفرگڑھ محمد سیف انور نے کہا ہے کہ ضلع میں پائیدار قیام امن کا سہرا ضلع کے جید علما ء کرام ،ممبر امن کمیٹی عوام اور سول سوسائٹی کے سر جاتا ہے جنہوں نے ہر موقع پر نہ صرف انتظامیہ کے ساتھ بھرپور تعاون کیا بلکہ اپنی اپنی سطح پر بھی امن کا پرچار کیا، یہ بات انہوںنے چہلم حضرت امام حسین کے سلسلے میں ضلع امن کمیٹی کے اجلاس کی صدارت کرتے ہوئے کہی، ڈی پی او ملک اویس ملک بھی ان کے ہمراہ تھے، ڈپٹی کمشنر محمد سیف انور نے کہا کہ امن ہم سب کی ضرورت ہے اور اس کیلئے ہر فرد نے اپنا مثبت کردار ادا کرنا ہے ، پرامن معاشرہ ہی ترقی کا زینہ ہے ، انہوں نے کہا کہ محرم الحرام کے موقع پر علماء کرام اور ممبران امن کمیٹی نے ضلع میں قیام امن کیلئے مثالی کردار اد ا کیا، تمام شعبہ ہائے زندگی سے تعلق رکھنے والے ضلع کی عوام سمیت میڈیا نے بھی پر موقع پر مکمل تعاون کیا، انہوں نے کہا کہ چہلم حضرت امام حسین کے مو۔قع پر تمام جلسے جلوسوں کو ہر ممکن سیکورٹی فراہ کی جائے گی، روٹس ہر صفائی اور روشنی کا معقول انتظام کیا جائے گا، انہوں نے کہا کہ امن کے سلسلے میں کسی قسم کا مسئلہ یا شکایت ہو تو ان سے فوری طور پر رابطہ کیا جا سکتا ہے انہوں نے جلسوں کے منتظمین کو ہدایت کی کہ تمام جلوسوں کو شام تک اختتام پذیر کیا جائے تاکہ دھند کی وجہ سے کسی قسم کی پریشانی نہ ہو، ان کے دفتر کے دروازے ہر سائل کیلئے ہر وقت کھلے ہیں، اس موقع پر ڈی پی او ملک اویس احمد نے کہا کہ ضلع میں قیام امن کے لئے تمام وسائل کو بروئے کار لایا جارہا ہے کسی شر پسند عناصر کو امن کی راہ میں رکاوٹ نہیں ڈالنے دی جائے گی، انہوں نے کہا کہ ہر فرد اپنے ارد گرد کے ماحول پر نظر رکھے ، انہوں نے کہا کہ چہلم کے جلوسوں کو فول پروف سکیورٹی فراہم کی جائے گی جس کیلئے تمام انتظامات کو حتمی شکل دے دی گئی ہے، اجلاس میں مولانا عبدالعبود آزاد، عبدالغنی ثاقب، گلزار عباس نقوی، غضنفر عباس، سید امیر حسن سمیت تمام مکابت فکر کے جید علماء کرام ، اکابرین اور متعلقہ محکموں کے افسران نے شرکت کی۔